काठमाडौं । गोरखाको बूढीगण्डकी नदीमा आज बिहान गेग्रानसहितको आकस्मिक बाढी आउनुअघि उपल्लो क्षेत्रका बासिन्दाले जमिन हल्लिएको महसुस गरेको बताएका छन् ।
आईरीस भनेर चिनिने अमेरिकाको अर्थस्कोप कन्सोर्टियम संस्थाको भूकम्प अनुगमन प्रणालीमा पनि नेपालको ककनी स्टेसनले जमिन कम्पनको तरङ्ग रेकर्ड गरेको देखिन्छ ।
अर्थस्कोपले विश्वका विभिन्न स्थानमा जडान गरिएका सिस्मोमिटर (भूकम्प मापन गर्ने उपकरण) बाट प्राप्त जमिनको कम्पनसम्बन्धी तथ्यांक देखाउँछ । यो सिस्टममा नेपालका भूकम्प मापन उपकरणहरू पनि जोडिएकाले नेपालका भूकम्पका रेकर्डहरू यसमा हेर्न सकिन्छ ।
यसलाई हेर्दा विश्व समन्वित समय (यूटीसी) अनुसार शनिबार राति १०:४० देखि १०:४५ बजेको बीचमा जमिन हल्लिएको संकेत छ । यो भनेको नेपाली समय दिउँसो पौने चार बजे आसपास हो ।
यसबाट बूढीगण्डकीमा बाढी आउनुअघि नै नेपालको जमिन राम्रैसँग हल्लिएको संकेत छ । तर त्यो कम्पन, चुमनुब्री पहिरोको कारण हो वा यो कम्पनपछि चुमनुब्रीमा पहिरो गएको हो भन्ने स्पष्ट हुन बाँकी छ ।







0 कमेन्ट
पहिले लगइन वा दर्ता गर्नुहोस्
Administrator ले Registered-only comment mode सक्रिय गर्नुभएको छ।