भरतपुर । चितवनको भरतपुर–१५ मा निर्माणाधीन गौतमबुद्ध निर्धारित समयमै सम्पन्न नहुने भएको छ। निर्माण अवधि सकिन साढे दुई महिना मात्रै बाँकी रहँदा भौतिक प्रगति ६० प्रतिशत पुगेको छ।
निर्माण कम्पनी हिमालयन–कालिञ्चोक बीबीआर जेभीले निर्माण सामग्रीको मूल्यवृद्धि, बजेट निकासामा ढिलाइ, मौसम र पुराना संरचनामा काम गर्नुपरेका कारण निर्माण प्रभावित भएको जनाएको छ।
विशेषगरी क्रिकेट मैदानको काम ४.१७ प्रतिशत मात्रै सम्पन्न भएकाले समयमै निर्माण पूरा गर्न कठिन देखिएको हो। कम्पनीले बाँकी काम सम्पन्न गर्न भरतपुर महानगरपालिकासँग थप ६ महिना म्याद माग्ने तयारी गरेको छ।
यसैबीच, निर्माण लागत ७८ करोड ५० लाख रुपैयाँबाट बढेर ८६ करोड २४ लाख रुपैयाँ पुगेको छ। महानगरपालिकाले भने म्याद थपको औपचारिक प्रस्ताव आए सार्वजनिक खरिद ऐनअनुसार निर्णय गर्ने जनाएको छ।
धुर्मुस–सुन्तली फाउन्डेसनले आर्थिक अभावका कारण निर्माण अघि बढाउन नसकेपछि भरतपुर महानगरपालिका र बागमती प्रदेश सरकारको सहकार्यमा रंगशाला निर्माण पुनः सुरु गरिएको थियो।







0 कमेन्ट
पहिले लगइन वा दर्ता गर्नुहोस्
Administrator ले Registered-only comment mode सक्रिय गर्नुभएको छ।