२०८३ मंसिर ४ गते, शुक्रबार
नेपाल समय
Voice of Nepali २०८३ मंसिर ४ गते, शुक्रबार
राजनीति

सुनार प्रकरण : आरोप अस्वीकार, छानबिन समिति गठन

काठमाडौँ । राष्ट्रिय स्वतन्त्र पार्टी (रास्वपा) का सांसद खगेन्द्र सुनारले विवादित अडियो प्रकरणमा आफूमाथि लागेका आरोप अस्वीकार गरेका छन् । पार्टीको केन्द्रीय अनुशासन आयोगलाई लिखित जवाफ पठाउँदै सुनारले आफ्नो संलग्नता नरहेको दाबी गरेका हुन् ।

एक महिलासँग आपत्तिजनक अभिव्यक्ति र धम्कीपूर्ण भाषा प्रयोग गरिएको भनिएको अडियो सार्वजनिक भएपछि सुनार विवादमा तानिएका थिए । उक्त अडियो सोमबार जनआस्था साप्ताहिकले सार्वजनिक गरेको थियो । घटनालाई लिएर आलोचना बढेपछि रास्वपाले प्रकरणको सत्यतथ्य पत्ता लगाउन अनुशासन आयोगलाई छानबिन अघि बढाउन निर्देशन दिएको थियो ।

आयोगले यसअघि सुनारलाई घटनाबारे लिखित प्रतिक्रिया दिन पत्र पठाएको थियो । तोकिएको समयभित्र जवाफ प्राप्त भएको र त्यसमा उनले आरोप अस्वीकार गरेको आयोगका एक सदस्यले रातोपाटीलाई जानकारी दिएका छन् ।

आयोगका अनुसार सुनारले आरोप स्वीकार नगरेको र पीडित पक्षबाट औपचारिक उजुरीसमेत नआएको अवस्थामा पनि घटनाको स्वतन्त्र छानबिन अघि बढाइनेछ ।

अडियोको स्रोत र प्रमाण जुटाउँदै आयोग

आयोगका उपप्रमुख हरिचन्द्र भट्टराईका अनुसार प्रकरणको पहिलो चरणअन्तर्गत सांसद सुनारको लिखित प्रतिक्रिया लिने काम सकिएको छ । अब अडियोको वास्तविक स्रोत पहिचान गर्ने, उपलब्ध प्रमाण सङ्कलन गर्ने र आवश्यक कागजात प्राप्त गर्ने प्रक्रियालाई अघि बढाइएको छ ।

भट्टराईले घटनाको संवेदनशीलता र गम्भीरतालाई ध्यानमा राख्दै विस्तृत अनुसन्धान सुरु गरिएको बताए । उनका अनुसार आवश्यक परे अडियोको प्रामाणिकता परीक्षण गर्न विशेषज्ञको रायसमेत लिइनेछ ।

यसका लागि अडियो सार्वजनिक गर्ने जनआस्था साप्ताहिकसँग भिडियो, अडियो तथा अन्य सम्बन्धित कागजात उपलब्ध गराउन अनुरोध गर्ने निर्णय आयोगले गरेको छ ।

विशेष छानबिन समितिलाई अनुसन्धानको जिम्मेवारी

विवादको निष्पक्ष र वस्तुनिष्ठ छानबिन गर्न आयोगले छुट्टै विशेष छानबिन समिति गठन गरेको छ । आयोगका उपप्रमुख भट्टराईकै संयोजकत्वमा गठित समितिमा आयोगका सदस्यहरू रहनेछन् ।

बिहीबार बसेको आयोगको बैठकले समिति गठन गर्ने निर्णय गरेको भट्टराईले जानकारी दिए । समितिले अनुसन्धानका बाँकी काम पूरा गरी आफ्नो रायसहितको प्रतिवेदन केन्द्रीय अनुशासन आयोगसमक्ष पेस गर्ने जिम्मेवारी पाएको छ ।

सार्वजनिक अडियोको वास्तविकता, त्यसको स्रोत र सांसद सुनारमाथि उठेका प्रश्नबारे प्रमाणका आधारमा निष्कर्ष निकालिने आयोगको भनाइ छ ।

अन्तिम अद्यावधिक:

एसएस नेपाल

संवाददाता

तपाईंलाई यो समाचार कस्तो लाग्यो?

एक प्रतिक्रिया चयन गर्नुहोस्।

पाठक प्रतिक्रिया

0 कमेन्ट

एसएस नेपाल का लागि लेखकका थप सामग्री

सबै हेर्नुहोस्
लोकप्रिय समाचार
  1. 01Nepal–UK Cultural Ties Shine as Nepali Students Celebrate Dashain in London
  2. 02अमेरिकाको दोस्रो ठूलो बैंकलाई १ खर्ब ८४ अर्ब रुपैयाँ जरिवाना! आखिर के गल्ती गर्‍यो बैंकले?
  3. 03ब्रिटिश गोर्खाका विषयलाई गम्भीरताका साथ सम्बोधन गर्ने प्रस्तावित राजदूतको प्राथमिकता
  4. 04रास्वपाका मनीष झा नोभेम्बर १ मा लन्डन आउँदै, विशेष भेटघाट हुँदै
  5. 05माफी मागेपछि जेलमुक्त भए किशोर श्रेष्ठ ?
  6. 06सवारीधनीलाई ठूलो राहत:अब घरबाटै दर्ता, नामसारी र बीमा 
  7. 07प्रहरीको बर्दी डरको होइन, भरोसा र सुरक्षाको प्रतीक बन्नुपर्छ : गृहमन्त्री
धेरै कमेन्ट गरिएका
  1. सोह्र श्राद्ध समापन
  2. सुदूरपश्चिममा भूकम्पको धक्का 
  3. स्वास्थ्य मन्त्रालयमा ३ उपसचिव थपिए
  4. सुदूरपश्चिम प्रदेश सरकारको बजेट प्रस्तुत गर्न बुधबार बोलाइएको प्रदेशसभा बैठक स्थगित
  5. प्रधानसेनापति सिग्देल र बेलायती सेना प्रमुखबीच भेटवार्ता