२०८३ मंसिर ४ गते, शुक्रबार
नेपाल समय
Voice of Nepali २०८३ मंसिर ४ गते, शुक्रबार
अर्थ / बिजनेस

शार्क ट्यांक नेपाल सिजन–२: ६० करोडभन्दा बढीको लगानी सम्झौता

काठमाडौं । नेपाली उद्यमीलाई लगानी जुटाउने अवसर प्रदान गर्दै आएको रियालिटी शो ‘शार्क ट्यांक नेपाल’को दोस्रो सिजनमा ६० करोड १२ लाख रुपैयाँ बराबरको लगानी सम्झौता भएको आयोजकले जनाएको छ ।

दोस्रो सिजनको छायांकन पूरा भइसकेको छ । दशैंलगत्तै प्रसारण सुरु गर्ने तयारी भए पनि कार्यक्रमको प्रसारण मिति भने तय भइसकेको छैन । हिमालय टेलिभिजन एचडीबाट प्रसारण हुने कार्यक्रम १० सातासम्म चल्नेछ । प्रत्येक साता राति ८ बजे एक घण्टाका दुई एपिसोड प्रसारण गर्ने तयारी छ ।

यस सिजनमा ६० देखि ६५ जना उद्यमीले आफ्ना व्यावसायिक योजना प्रस्तुत गरेका छन् । आयोजकका अनुसार पहिलो सिजनको तुलनामा यसपटक सहभागी व्यवसायको आकार ६० देखि ६५ प्रतिशतले बढेको छ ।

दोस्रो सिजनमा पनि पहिलो सिजनका पाँचै जना शार्क—हेमराज ढकाल, आनन्द बगरिया, ऋतुसिंह वैद्य, सौरभ ज्योति र क्याबिनेट श्रेष्ठ—सहभागी छन् । उनीहरूले विभिन्न क्षेत्रका उद्यमीका व्यावसायिक प्रस्तावको मूल्यांकन गर्दै लगानीसम्बन्धी निर्णय गरेका छन् ।

आयोजकका अनुसार यसपटक प्रविधि, खाद्य तथा पेय पदार्थ र कृषि क्षेत्रमा आधारित व्यवसायप्रति उद्यमीको आकर्षण देखिएको छ । केही व्यवसायमा अन्तर्राष्ट्रिय बजारमा विस्तारको सम्भावना रहेको पनि शार्कहरूले बताएका छन् ।

पहिलो सिजनको तुलनामा दोस्रो सिजनमा व्यवसायिक प्रस्ताव अझ परिपक्व र व्यावसायिक रूपमा प्रमाणित रहेको आयोजकको दाबी छ । कार्यक्रमले साना सहरका उद्यमीलाई समेत आफ्नो व्यवसाय विस्तार गर्न र लगानीकर्तासमक्ष प्रस्ताव प्रस्तुत गर्ने अवसर प्रदान गरेको जनाइएको छ ।

६० करोड १२ लाख रुपैयाँको लगानी सम्झौतासहित आउन लागेको दोस्रो सिजनले नेपाली स्टार्टअप र उद्यमशीलताको क्षेत्रमा थप चासो बढाउने अपेक्षा गरिएको छ ।

अन्तिम अद्यावधिक:

एसएस नेपाल

संवाददाता

तपाईंलाई यो समाचार कस्तो लाग्यो?

एक प्रतिक्रिया चयन गर्नुहोस्।

पाठक प्रतिक्रिया

0 कमेन्ट

एसएस नेपाल का लागि लेखकका थप सामग्री

सबै हेर्नुहोस्
लोकप्रिय समाचार
  1. 01Nepal–UK Cultural Ties Shine as Nepali Students Celebrate Dashain in London
  2. 02अमेरिकाको दोस्रो ठूलो बैंकलाई १ खर्ब ८४ अर्ब रुपैयाँ जरिवाना! आखिर के गल्ती गर्‍यो बैंकले?
  3. 03ब्रिटिश गोर्खाका विषयलाई गम्भीरताका साथ सम्बोधन गर्ने प्रस्तावित राजदूतको प्राथमिकता
  4. 04रास्वपाका मनीष झा नोभेम्बर १ मा लन्डन आउँदै, विशेष भेटघाट हुँदै
  5. 05माफी मागेपछि जेलमुक्त भए किशोर श्रेष्ठ ?
  6. 06सवारीधनीलाई ठूलो राहत:अब घरबाटै दर्ता, नामसारी र बीमा 
  7. 07प्रहरीको बर्दी डरको होइन, भरोसा र सुरक्षाको प्रतीक बन्नुपर्छ : गृहमन्त्री
धेरै कमेन्ट गरिएका
  1. सोह्र श्राद्ध समापन
  2. सुदूरपश्चिममा भूकम्पको धक्का 
  3. स्वास्थ्य मन्त्रालयमा ३ उपसचिव थपिए
  4. सुदूरपश्चिम प्रदेश सरकारको बजेट प्रस्तुत गर्न बुधबार बोलाइएको प्रदेशसभा बैठक स्थगित
  5. प्रधानसेनापति सिग्देल र बेलायती सेना प्रमुखबीच भेटवार्ता