काठमाडौं । सांसद तथा रास्वपा नेता खगेन्द्र सुनारमाथि महिलालाई धम्की दिएको, अश्लील गाली गरेको र आर्थिक लेनदेनमा दबाब दिएको आरोपसहित अडियो सार्वजनिक भएपछि पार्टीले आन्तरिक छानबिन थालेको छ । सुनारले भने अडियो एआई प्रयोग गरेर बनाइएको दाबी गरेका छन् ।
रास्वपाले के गर्दैछ ?
पार्टीले छानबिन निष्कर्षमा नपुग्दासम्म सुनारलाई औपचारिक कार्यक्रममा सहभागी नहुन निर्देशन दिएको छ । आरोप पुष्टि भए थप कारबाही हुन सक्ने पार्टीको भनाइ छ ।
बालेन सरकार किन मौन ?
सार्वजनिक रूपमा राज्यका निकायको सक्रियता नदेखिएको भन्दै प्रश्न उठिरहेका छन् । तर प्रहरीले उजुरी नआएसम्म औपचारिक अनुसन्धान अघि बढाउन कानुनी आधार आवश्यक पर्ने बताएको छ । प्रहरीले बाहिर आएका विषयमा बुझ्ने काम भइरहेको पनि जनाएको छ ।
अब के हुन्छ ?
उजुरी परेमा प्रहरीले अडियोको सत्यता जाँच, प्रमाण संकलन र आवश्यक कानुनी प्रक्रिया अघि बढाउन सक्छ । आरोप पुष्टि नभएसम्म सुनारलाई दोषी ठहर गर्न मिल्दैन । अब मुख्य प्रश्न—राज्यले निष्पक्ष अनुसन्धान गर्छ कि गर्दैन ?







0 कमेन्ट
पहिले लगइन वा दर्ता गर्नुहोस्
Administrator ले Registered-only comment mode सक्रिय गर्नुभएको छ।